日本九州多地暴雨！港人寄艙行李入水物品全濕透 航空公司有責任？旅遊保賠唔賠？

女網友在FB群組「九州福岡地道情報站」發文，「原本18:00回港飛機，因為天氣關係delay兩個幾鐘先起飛，返到屋企打開幾件行李，喼入面既衫褲鞋，玩具同手信都濕晒，有啲衫仲可以扭到水，勁顛。」樓主附上濕透行李相片，其中一份手信包裝濕了「長崎蛋糕，本身有紙盒都濕咗水，搞到裏面有水黃印。」另外一個玩具車包裝更濕到腍，就連塞在波鞋入面我紙都濕透，認真誇張！

有經驗的網友表示：「細機行李用運輸帶逐件運入機底艙再人手砌，大機就砌好大型行李箱再成個塞入機底艙。下次坐細機見到天氣咁差，應該去到機場畀錢包保鮮紙可以有一定防水作用，你個喼似浸水多過落大雨。」、「通常行李都係件上，由terminal到上飛機沿途都會風吹雨打，福岡今日咁大雨，避唔到滲晒水」。

據了解，航空公司通常只會對行李篋的外觀損壞負有責任，但如因天雨關係而造成的內部物品受損，航空公司可能會免責。若旅客購買了旅遊保險，則有機會可以理賠，但要視乎物品的損壞程度，是否不能再用或能否維修，再賠償適當的金錢。