播毒渣男第二集｜H先生「中計」蒲頭被爆繼續約女 受害人不幸染致命病毒：呢個真係會死

受害人陳小姐、劉小姐及黃小姐經檢查後，均驗出不同型號的HPV病毒及生殖器官病變，當中劉小姐大感崩潰，直言：「我中咗16型嘅HPV，有機會導致子宮頸癌，呢個真係會死嘅癌症。平時覺得佢好真誠，嗰一刻突然覺得，我好似從來冇識過呢個人。」對於受害人的控訴，H先生選擇逃避、封鎖三位受害人。

劉小姐曾出律師信給H先生，指控男方隱瞞患性病，要求H先生賠償醫藥費及精神損失，惟H先生指兩人是性伴侶關係，無需主動披露性健康狀況，又指經過詳細檢測過，並沒有三位受害者所感染的生殖器官病變。

三位受害者組成支援小組，在社交平台開設假帳戶引H先生上釣，H先生亦相當心急，挑逗地說：「咁我可以收服你嗎？」、「打算睇下你今日着咩。」隔了數天，終於引出H先生蒲頭，主持甘詠寧連番追問：「你驗咗你嘅性病未？」、「你有冇check有冇受感染？係咪有HPV？」、「你係咪呃佢哋，當初淨係得佢一個？」H先生只表示：「如果你想同我講，可以同返我律師溝通。」