批老師捉錯字太苛刻 港媽幫兒子改功課改到躁底 ：佢唔係要做書法家！網民因一理由唔撐家長

有港媽在社交網上傳圖片，可見其兒子看圖造句及供詞續寫工作紙，只得「丙＋」成績，媽媽甚自言幫囝囝改功課改到「躁底」，大嘆：「真心改正改到躁底，每日無限loop! 其實而家係咩世代？我個仔出身已經係10幾年之後，佢唔係要做書法家！連我個女IB中文科考試都轉做打字，唔使寫！呢個年代，識睇，識應字，識意思，識拼音，已經贏晒！我已經覺得我個仔好叻，好肯配合，反而我覺得矯枉過正。 」

閱讀更多：遊客直擊超浮誇的士！車廂掛水晶燈勁有儀式感 網民一原因唔Buy咁樣佈置

照片可見，港媽兒子一張默寫練習顯示，孩子面對「文具」、「跑步」等詞語時未能作答，僅以交叉符號代替；至於「晚」、「園」等字雖然寫出，但因筆畫或結構錯誤被老師圈出要求修改，部分錯字更在更正後仍被要求再改；港媽甚至在工作紙上寫「唔識改，亦不知道用什麼詞語，請老師教導！」

網民意見兩極

網民對事件反應兩極，雖有家長感同身受，認為問題出在學校過度追求完美「筆劃冇必要咁吹毛求疵」、「學中文唔應該令細路咁大壓力」；但亦有網民認為樓主態度欠積極，指她「以唔識字為榮」、「連試都唔試」；甚有人指教師糾正屬合理：「小朋友連拼音都唔肯寫，只畫個X」、「問題唔在老師，叫你改正係職責！」