巴士大嬸高聲講電話遭全車圍插！瘋狂爆粗還擊累巴士停駛 車長霸氣一句收服大嬸

有網民分享影片，指一名大嬸由上水站登上龍運巴士，之後便在車廂高聲談電話，令其他乘客忍不住喊她「你細聲啲得唔得」、「嘈到人就唔得」、「下一站掟佢落車」，之後大嬸不停粗口橫飛反擊「我打個電話都唔得？」之後則有人提議報警，更指「你知唔知搭巴士講粗口係犯法」、「交通條例講粗口係犯法，我拍（拍攝）住」、「你頭先講啲粗口錄晒㗎啦，唔好意思！」

閱讀更多：巴士迷自備軚盤模擬駕駛 車頭擺呢5樣嘢搶焦 網民讚專業：沉浸式體驗揸巴士

之後巴士一度停低，車長到上層調停事件「我一報警全部冇得返去，去旅行去港珠澳全部冇！」之後有乖客向大嬸解釋，大聲談電話會影響司機行車，大嬸則表示明白妥協，影片就此結束。

網民大讚司機做得好！

影片流出後，不少網民留言怒轟大嬸「面皮好厚」，亦有不少人大讚司機做得好，稱其甚有耐性：「嘈都唔緊要，點解呢啲阿姐把聲可以咁刺耳」、「其實佢面皮都幾厚」、「車長氣定神閒」、「司機好好，好冷靜！」