巴士大叔挑戰「人體極限」 除鞋腳伸車窗位 網民怒轟：無公德心！

據網上相片所見，涉事大叔當時坐在巴士座位上，其中一隻腳伸向前方車窗邊緣位置，大晒驚人柔軟度，另一隻腳則撐住座墊，。上載照片的網民配上留言嘲諷道：「型X到呢～」。

照片曝光後隨即惹來大批網民熱議，不少人直指其行為極無公德心，批評大叔將公共地方當成自己屋企，留言指：「冇教養」、「邊個想聞你臭腳」。亦有網民笑言警告「因住腳痺落唔切車」，更有網民分享應對經驗，留言指：「同佢講:你隻腳好X乾淨呀？ 試過work嘅」。