巨龜戴黃帽孭袋仔市區散步超可愛！被指激似「小學生去旅行」 網民揭過年會扮呢個造型

香港街頭除了見到貓狗，偶爾會有意外驚喜！有網民上載相片，指其在街上野生捕獲一隻正在「散步」的巨型陸龜，吸睛的是主人為牠悉心打扮，戴上一頂黃色小帽，龜殼上更揹着小袋子，造型極之可愛；樓主形容：「好得意，好似小學生出去 picnic 咁！」

閱讀更多：港女苦等17年終獲派公屋 首派一擊即中「超難派」港島樓 網民：中咗超級六合彩！

帖文引來過萬人讚好，有眼利網民認出陸龜是區內的「風頭躉」，並貼出其過年時戴上紅色醒獅帽的相片：「我都見過幾次，真係好大隻」、「好可愛」、「頂帽勁得意」、「勁可愛，之前見過佢戴粉紅色帽」、「佢真係明星嚟」、「應該同一隻，今年新年我都見到！」