屯門好心人執卡包交警署 慘遭失主家屬喪鬧「唔使扮好人」 網民怒斥：真係無家教！

路不拾遺本是美德，但有時好心卻未必有好報！近日有網民發文表示，在屯門寶怡花園巴士站拾獲一個裝有八達通、信用卡及身份證的卡包，遂於網上發文尋找物主：「喺屯門寶怡花園巴士站地下執到個卡包，入邊有八達通信用卡身份證，麻煩主人pm我，麻煩識佢嘅人通知佢」。

閱讀更多：車Cam片｜灣仔男童暖心協助失明人士過馬路 網民Like爆：父母教得好

隨後事主將失物交到了屯門警署，遂發現物主家屬曾發送訊息聯絡，惟事主礙於需兼顧工作及照顧小孩而未能即時回覆，竟遭物主家屬留言痛罵：「尋晚搵到你而家，你覆其他人又唔覆我，唔使扮好人啦，想要錢咪岀聱囉」。事主對此大感無奈與憤怒，更在貼文中斥道：「扮好人就唔執啦，直接攞咗啲錢攞咗八達通攞咗信用卡用啦」、「一日廿四小時揸住個電話睇住好唔好？我唔使做嘢嘅，我仲有細路要湊，真係呢個世界黐線嘅人何其多」。

事件隨即引起網民熱議，不少人留言感嘆好人難做：「好彩樓主放係警署，唔係比呢啲咁冇品嘅人屈你偷佢幾千都似」、「真係咩人嚟㗎，幫佢執到野，沒感激樓主，還要罵樓主」、「佢今次遇到你幫佢執左，佢都仲惡言相向，下一次個天就唔會幫佢」、「條友真係冇家教到一個點，不過有時都覺得好人難做」、「真係好人難做，咁嘅態度我寧願掉落垃圾桶」。