尖沙咀街頭男子爆粗鬧女友＋喪篤頭部 疑因唔肯陪衝紅燈 網民怒斥無品建議分手！

所謂相嗌唔好口，萬不要動手！早前網上流傳影片，一名白衣男正於彌敦道大馬路衝紅燈，其女友則守規矩等到綠燈，才橫過馬路；料知白衣男見此則咆哮爆粗，怒斥女友「你行唔X行啊！臭X！」其後更動手狂篤女友頭部，惹來眾路人停步「食花生」；不少網民看完皆連聲責道：「蝦女人，好肉酸！」

閱讀更多：港鐵大叔車廂踎地食西瓜 網友嗌誇張：有一秒覺得係AI 身旁乘客勁淡定成亮點

尖沙咀街頭白衣男爆粗怒罵女友

有網民上載影片，長達43秒，兼攝於深夜時分尖沙咀彌敦道；一名白衣男子疑與金髮女子為情侶，女子因未跟隨男友衝紅燈過馬路，即惹怒男方遭喝斥「你行唔X行啊！臭X！」；隨後白衣男繼續過馬路，但女方沒有跟隨，他則在馬路中心折返至女子面前，再度咆哮：「你行唔X行啊！X你老X！」女方見狀欲作解釋，惟白衣男竟以手指強力篤其頭部，令女子退後數步。

未幾，女子立即轉身快步離去，男子再作追趕，語氣明顯轉弱邊走邊說：「唔X行我就走」；男子最終仍未能追上，並放棄回頭，但仍不依不饒爆粗：「唉，咁你自己走啦，X你老X臭X！」

網民狂批白衣男無品

影片曝光後，大批網民狠斥白衣男行為可恥，直指他品格麻麻，更呼籲金髮女子早日分手：「好肉酸」、「一睇就知佢似會家暴」、「呢啲人情緒唔受控，早走早着」、「寧願單身都唔好同呢啲人一齊」、「垃圾要分手！」亦有不少網民關注金髮女反應，大讚她脾氣算很好：「有啲驚訝個女仔仲慢慢行」、「換我就跑落地鐵走人啦」、「脾氣算好啦，咁都忍」、「條女俾人指落塊面，都唔醒巴過佢？」