小巴司機貼中英對照告示 廣東話拼音教外國人嗌有落 網民笑：想知佢哋讀出嚟會點！

有網民近日分享相片，可見某專線小巴車廂內，車頭位置貼上告示，寫明「落車請早揸聲（嗌一次就夠㗎啦）」，並附英文拼音說明，用以教導外國人說出句子「前面小巴站有落，唔該！」樓主則在帖文笑稱「yau lok mm goi，想知外國人讀出嚟會點！」

閱讀更多：跨境巴士司機疑瞌眼瞓急煞車 一邊駕駛一邊拎鬚刨剃鬚 目擊者爆料：佢XXX提神！

帖文隨即惹來大批網民留言，有人指字眼「好串又好有性格」，亦有人搞笑表示若外國乘客看到這種直截了當的提示，可能會一頭霧水：「司機好串又好有性格」、「外國人見到咪照讀英文嗰行囉」、「想講嗌咗有落啲小巴佬成日都唔舉手，都唔知佢聽唔聽到」、「時啲嗌完冇舉手佢又識停，但係有時就飛站，同佢講仲話返你冇嗌」、「有鬼婆朋友都話見到張通告，話覺得好難嗌！」