將軍澳驚現超大渠蓋窿 港女小腿卡石屎罅 途人欲救無從 街坊爆料：小朋友曾中招！

最近有網民發文，指在將軍澳至善街單車徑旁發生一宗渠蓋困人意外。目擊者指一名女子不慎誤踏渠蓋空隙，小腿緊緊卡在石屎水渠蓋的空隙中無法拔出。由於渠蓋極重，熱心途人亦無法合力將其抬起，最終需靠消防員為女事主解圍：「因為石屎渠蓋太重，途人都拎唔起。剛打緊999，消防救援車剛好經過，迅速幫女士解圍及治理傷口」。

閱讀更多：將軍澳夫婦搭城巴2人霸4位 着鞋直踩對面座位 網民嘲天生一對：冇家教！

目擊者透露自己亦曾在同一位置被渠蓋縫隙絆倒受傷：「本人亦在一個月前，在同一地點涼鞋頭被渠蓋窿絆倒」。目擊者指已就事件向路政署正式投訴，亦特別呼籲行經該路段的市民，多加留意路面情況：「大家特別係著涼鞋同小朋友，經過要打醒精神」。

有街坊透露曾在同一位置出事：「（水渠蓋）嗰個窿真係好大嘎，我小朋友兩年前（個陣3歲幾）都試過叉左隻腳落去，個陣嚇到佢出曬冷汗 ，唔知點解到而家都仲未換過個新」、「呢個窿好大，我小朋友都試過一腳叉咗落去」。有網民提出質疑「唔係行路掛住睇手機，點會有個窿都要踏落去」，而目擊者則回答「唔望住條路行就會有機會。冇人預計條路會有個大窿」。