將軍澳茶記外賣雞翼滲血水疑未熟 向餐廳投訴一大理由拒退款 網民怒轟：下次報食環

又有外賣中伏體驗！有港男圖文並茂發帖大呻，指早前透過外賣平台光顧將軍澳某茶餐廳，花費近$107點了一份包含腸仔、煎蛋、茄汁豆及三隻炸雞翼的豐盛早餐；惟當事主準備大快朵頤時，竟赫然發現雞翼近骨位置肉質呈鮮紅色，甚至有明顯血水滲出！事主怕雞翼會食壞人，隨即向外賣平台及涉事餐廳作出投訴，沒想到餐廳方面態度強硬，堅稱「雞翼係今日開，冇可能食物品質有問題」。

閱讀更多：車Cam片｜大嶼山的士打開車頭蓋行車 網民轟危險駕駛：睇到路咩？

涉事餐廳一口拒絕退款，最終事主只能無奈透過外賣平台，獲退回$51的部份款項，事主在貼文中言道：「堅嬲，影晒相，咁都可以拒絕退款」。

帖文一出隨即引起網民熱議，大批網民留言炮轟涉事餐廳做法：「高質餐廳Medium雞翼」、「最少證明自己不是預製菜」、「生到咁都唔退，講明咗佢哋可以咁無視啲客，呢啲舖無下次」、「應該報食環」。

不過亦有「內行人」指出骨骼滲血水，未必代表雞翼未熟，更大機會是因為廚房貪快，在雞翼仍未完全解凍的情況下，便直接落鑊油炸，惟事主駁道：「你地所講既骨髓，唔會係咁鮮紅帶血嘛？我係用家，食落成陣血腥味，第一隻算，第二隻仲生D，骨頭仲透」。