將軍澳屋苑爆漏水糾紛 疑遭樓上波及致天花剝落 苦主勁徬徨獲網民獻計

將軍澳某大型屋苑近日發生嚴重漏水糾紛。事主指疑因樓上單位漏水，導致其單位天花嚴重損毀，事主透露曾向屋苑管理處及保安部求助，惟跟進兩日仍未獲妥善處理：「管理處同保安部完全垃圾，搞咗兩日都處理唔到」、「保安早兩日話上過去睇，見唔到佢地下有濕喎」。

閱讀更多：啟德未入伙居屋驚現「鐘乳石」 滲水半年求助無門 業主爆料：物管經理辭職走咗3個！

事主目前已成功聯絡樓上業主，但具體維修方案及所需時間仍是未知之數：「已經聯絡到樓上業主，不過唔知要點搞同搞幾耐」、「尋晚終於閂咗樓上水制到今朝，係停咗滴水。但係今朝開返水掣，又再重新滴過」。

從事主分享相片可見，單位天花的漏水情況相當嚴重，天花表面的油漆及批盪因嚴重受潮，出現大範圍起泡及連片剝落，大面積的表層已經脫落塌下，周邊剩餘的漆皮亦向下垂墜，呈現搖搖欲墜的狀態，隨時有進一步塌落的危險。

帖文一出隨即引起網民熱議，不少熱心網民紛紛留言獻計：、「有政府部門…滲水辦」、「第一時間搵滲水辦，我試過，好有效率」。亦有網民為事主分析漏水成因：「似樓上企缸沖完涼，出水口滲水，好大量嘅水先至做到呢個效果。樓上個地台應該都滲晒水」、「正常廳呢個位無喉管係唔會漏水漏到咁…除非樓上又係一劏六嘅簡樸房」、「睇相純分析，位置應該唔係廚房或者廁所。除非樓上做左劏房，否則唔會有水喉經過房或者廳㗎」。

翻查資料，如初步跡象顯示漏水涉及供水喉管，滲水投訴調查聯合辦事處（滲水辦）一般會將個案轉介至水務署，由該署按《水務設施條例》（防止浪費食水）跟進。一般而言，署方會為涉事業主安排持牌水喉匠進行檢查及維修，而受影響住戶亦可就事件向水務署報告。