安老院準時每晚10點熄冷氣 壓瘡長者焗足12小時 家屬爆內幕：收足冷氣費都唔開

本港近日天氣持續酷熱！有網民於社交平台控訴，指家人居住的新界區某安老院舍雖然收足冷氣費，卻硬性規定每晚10時準時「熄冷氣」，直至翌日早上10時才重開，令本身患有壓瘡的長者在悶熱的病房內，白白承受長達12小時的「熱火熬」。

閱讀更多：尖沙咀火鍋放題驚現巨鼠 天花板橫行險跌落煲 事主崩潰：食到有PTSD！

該名家屬更在網上公開涉事院舍的「夏季空調開放時間」通告，揭發院方僅承諾在日溫達28度以上時開冷氣：「為節省能源，於每日早上10時至晚上10時，期間溫度達28℃以上才會開放（冷氣），以致室溫保持24℃-25℃」。

對於網民質疑「有份俾錢有乜可能唔開冷氣」，樓主無奈大爆院方雖有收取冷氣費，但院長竟聲稱「晚晚都唔過28度」而拒絕開機，更反智地叫家屬「用度體溫嘅溫度計去度室溫」；其後甚至以「院長話冷氣費貴，佢自己辦公室都唔開」死撐熄機決定。樓主透露家人本身患有壓瘡並需依賴氧氣及呼吸機，擔心晚上無冷氣情況會雪上加霜。

帖文曝光後亦引爆網民怒火，大批留言怒轟涉事院舍做法：「為賺錢壓榨成咁」、「唔當老人家係人」、「今時今日冇冷氣慘過死，行得走得都仲好，唔行得焗住焗就慘」、「老人家點瞓」、「賺錢唔使去到咁盡」、「開名啦，最好報東張」、「1823幫到你」、「要搵社署介入先識驚」。