女子穿越3條行車線追巴士 車輛身旁駛過勁牙煙 網友推測車長因一事無奈停車開門

片段長17秒，影片開首見一名女子穿越三條行車線追緊一輛龍運巴士，期間不斷有車輛駛過，險象環生！女子走近巴士後，連敲幾次車門示意車長開門，車長初時未有理會她欲繼續驅車前行，惟女子窮追不捨邊追邊拍打車門，車長無奈就範只好開車門讓她登車，全片結束。

不少網友均不認同女子做法，認為她的行為十分危險，「條女衝到去右三線好癲」、「告得，之前有個女人又係咁截B1巴士被起訴」。亦有不少網友為車長感到無奈，擔心車長因此事搞到「冇咗份工」，「害死個車長，癡線」、「司機好慘，我諗佢開門只係怕出人命，就係個女人呢啲XX磨蝕晒人嘅好心」、「怕生危險，馬路中心，佢上咗至少佢安全，司機都幾難做」。