太子茶餐廳$82西炒通粉惹爭議 拆解一原因先賣咁貴！網友狠評水魚價：好食都唔值啦

82蚊茶記炒通粉惹爭議！有網友在fb群組「香港茶餐廳及美食關注組」發文，分享早前在太子金魚街一間茶餐廳，點了一份西式炒通粉加一杯凍檸茶，留言：「有D貴82蚊，但好食 ~ 西炒通粉+爆檸。」

延伸閱讀：「浴袍團」情侶快餐店開餐外帶食物 食呢兩樣嘢勁食歎！網友狠批：唔買人哋嘢食係佔便宜

從樓主上載的相片可見，西式炒通粉非常足料，火腿、腸仔、番茄、青豆及蛋樣樣齊，鑊氣睇落亦不錯。惟大批網友嫌太貴，留言：「直情貴。五十蚊連飲品都俾多佢！」、「唔係有d貴，係好X貴通粉咋」、「炒通粉82，好食都唔值啦」、「真係水魚價，通粉腸仔番茄火腿成本咁平」。

不過，亦有網友認為樓主因為散叫才那麼貴，「可能無餐，60炒通粉，22凍飲。」、「看清楚，炒通心粉$60，飲品$22，因為散叫先比較貴。」