:quality(80)/public/tvbcom/article/images/202604/5da9e889-0c9e-4756-90bc-5b6857c72a10.png)
飲茶免茶錢本來是開心事，但隨時變成「花錢買難受」？有食客發文呻爆，指光顧天水圍某酒樓，享用下午茶時段點心，當時酒樓正推出期間限定長者優惠，只要出示樂悠咭即可免收茶位費。雖然事主與同行友人，點了兩個點心孖寶結帳只需$81($36.8一份)，相當抵食，但入座條款卻規定4人以下必須搭枱；事主指「有長者優惠都只得唔夠半場客，顯得好冷清」。
閱讀更多：將軍澳康城遭「黑色昆蟲」入侵 住戶喊驚發文求助 網民揭是這種昆蟲 簡單1招防入屋
+2
事主亦指酒樓疑似出現冷氣故障，影響用餐體驗：「冷氣唔夠但因為坐風機隔離，勉強可以接受」，但仍感到「越坐越熱」，更揭現場「靠幾部大風機吹」，更揚言「如果酒樓唔整翻冷氣，我諗我唔會再嚟喇」。
對於酒樓大熱天時冷氣故障，不少網民亦留言炮轟：「仲衰過以前啲大排檔」、「冇冷氣點食」、「咩都可以忍，冇冷氣永無下次」、「大排檔而家都有冷氣啦，喺啲政府市政大樓裏面」；更有知情網民透露：「呢間舊年10月去過都無冷氣，早上10點半都熱死」、「冇冷氣已經好耐㗎」、「無冷氣會有酸臭味」。
