大欖轉車站大樹離奇掛滿Bra 網民爆笑猜測原因：許願樹？

有網民近日分享奇趣見聞，指自己由大欖隧道轉車站落車後，沿八鄉路步行返屋企時，每次途經某個位置，都會見到路旁有一棵大樹被人掛滿胸圍，樓主寫道「途中會見到有棵樹會掛滿 bra，有冇人知係咩事？」影片可見，有關的大樹確實掛滿林林總總的內衣，畫面相當耐人尋味！

閱讀更多：大圍港鐵男職員被2女包圍 慘遭箍頸兼不斷拍打 網民驚呼：喪屍片嚟？港鐵回應揭事件經過

不少網民亦留言猜測，估出大樹掛滿內衣的原因：「八鄉一帶風大，好多街坊喺天台晾衫被吹走」、「路人見到就隨手執起掛喺樹枝上面，諗住方便失主行過認領」、「許願樹升cup版」、「八鄉名物Bra招樹」、「可能係附近嘅大媽曬衫，點知大風一吹，吹走晒」、「新年要嚟拜下！」、「許願樹嚟？」