大埔唐狗遭咬傷瑟縮公廁 熱心港男趕赴急救兼留藥 網民心痛狗狗可憐身世

大埔梧桐寨發生一宗狗隻受傷事件。早前有網民發文，指發現一隻戴有藍色頸帶的狗隻，瑟縮於梧桐寨公廁的男廁內。據了解，該狗隻早前疑被其他狗隻咬傷頸部，受驚下躲入廁所長達數小時，且一直未有動彈：「梧桐寨公廁男廁內有隻狗，清潔阿姐話已經喺度幾個鐘，話之前俾狗咬到條頸，所以入咗廁所躲避，一直唔郁」。

閱讀更多：女狗主違規帶犬闖九龍灣餐廳 公然用兒童碗裝水餵狗 網民怒斥冇衛生意識！

該網民由於未能逗留協助，遂於網上發帖呼籲村民及有心人幫忙：「有冇村民知佢有冇主人或者可以幫幫佢, 我唔可以留低幫佢」。事件迅速獲得熱心港男趕赴現場協助，港男為狗狗妥善處理傷口及了解其背景，更將相關藥物交託予村民轉交狗主：「他已處理狗狗傷口，並了解其背景，亦留下藥物給村民交予主人」。

熱心港男隨後在留言交代受傷狗狗的背景：「佢叫笨豬，係梧桐寨放養狗， 成日去男厠唞涼 ，右邊膊頭有傷口， 早兩日已經處理咗， 放低咗烏蠅蟲粉同藥畀村民轉交主人， 冇晶片好親人， 梧桐寨村個個都識佢， 傷口冇大礙， 梧桐寨男厠係佢休息嘅地方」。

事件得以妥善解決，不少網民留言該名熱心港男的善舉：「多謝你。真心無私為香港流浪狗服務」、「多謝好心人，希望狗仔可以健康快啲好返」、「好人會有好報」、「放心晒，好多謝您」。亦有網民對狗狗遭遇深表同情：「希望梧桐寨居民考慮收留苯豬，放養真係好慘，每日都可能會遇上危險，日曬雨淋，佢咁乖有冇好心人可以領養佢」、「真陰公！放養到狗要去公廁唞凉」、「最憎依D所謂放養，公厠咁鬼汚糟，仲成日扒果度，好可憐」、「厠所會污糟，不是狗狗休息的好地方」。