大埔初生貓B疑被遺落停車場 身軀微顫未睜眼 港媽及時救起 決心收養獲讚

早前有街坊於大埔超級城停車場內內發現一隻剛出生、雙眼仍未睜開的初生貓B。事主形容當時貓B身體情況：「見到一隻超級細嘅貓貓仲未開眼， 有呼吸有微微郁動」。惟該名街坊因缺乏照顧初生貓隻的經驗，隨即在社交平台上向大眾緊急求助，希望尋找有心人接手照顧貓B。

閱讀更多：元朗街市大貓疑遭長綁困黑舖 網民心痛：無水無糧點過夜？

據事主釋出的照片可見，貓B身形極度細小、長有深色毛髮，牠當時蜷縮在停車場地面上。貓B身處的位置相當危險，牠正躺於黃色泊車線旁邊，後方亦停泊了多輛私家車。由於貓B體型細小，容易落入駕駛者的視線盲區，存在一定的安全風險。

事主稍後更新狀況，表示已暫時將幼貓帶回家中安置，並利用紙箱、毛巾及暖包為牠築起臨時溫床，並迅速購買了幼貓專用奶粉餵哺：「暫時我帶咗佢返左屋企先，依家佢喺個紙箱仔有毛巾暖包保暖，亦都買咗RC奶粉餵左佢，飲咗少少 ，訓緊」、「我會睇吓情況自己搞唔搞得掂，因為本身我都有兩隻貓加兩個好細嘅小朋友 ，都收到好多message提供協助幫忙。唔該晒大家」。

事主續指，儘管家中本身已有兩名年幼小朋友及兩隻愛貓，日常照顧壓力不輕，但其兒子十分希望能收養貓B，因此事主決心會盡力將牠撫養長大，並在文中感謝大批網民提供的資訊與支援：「已收到15+ 唔同嘅人問情況，亦都好多謝大家嘅support或者資訊協助等等。大家都係想做好人做好事 ，救貓貓」、「如有需要，我會從中喺入面找合適嘅人幫手，或尋求大埔人大埔貓協助，但我會努力盡力養佢，我大仔（人） 想我養呢隻小貓B，請大家放心」。

帖文發布後引起廣泛關注，不少網民留言讚揚事主熱心救貓的善舉：「多謝你救起佢」、「感謝你的幫助，生命寶貴」、「你拯救咗一個小生命，多謝你」、「好人一生平安」、「你好好心，幫手救隻貓B」。

亦有網民猜測貓B被遺留在停車場的原因：「應該車底跌出，可能架車已走」、「應該貓媽係其他地方帶入車，車主揸車嚟泊車後，貓b爬左出嚟，應該搵唔到貓媽了」、「可能貓媽搬家漏低左佢，希望車主開車前望清楚」。