:quality(80)/public/tvbcom/article/images/202604/8fc9765f-356e-41b8-8ca3-0df3acae7a27.png)
有荃灣外賣店在社交平台大呻無人叫外賣，指全日只得一張單，備用的奶凍惟有店主自己食，留言：「今日全日得一張單，整多咗啲奶凍惟有自己食。我啲奶凍用咗好多鮮忌廉，雖然成本好高但質感同味道都比普通奶凍好。希望之後會有多啲人食到啦。」
貼文引起熱議，有網民毫不客氣直指該店的套餐十分昂貴，一份多士、一份飛碟、一份甜品再加一份飲品，盛惠$128，兩份飛碟加一份飲品則盛惠$98，價錢還未加上平台費和運費。
網民紛紛直呼「唔抵食」，「完全明哂點解會無人叫 同市道差無關 唔係想踩你，但你用消費者角度諗下，一個包，一枝茶，一個奶凍$128？！！仲要俾埋運費😂😂😂已不是智商税能形容的menu」、「128…就算台幣都要考慮下」、「笑X咗，咩飛碟咁把炮啊，成舊水買兩舊三文治。」、「128有邊個食你？就算灣仔，銅鑼灣都未必有。」對於網民的批評，店方回覆：「多謝建議，努力改緊menu 。」
