:quality(80)/public/tvbcom/article/images/202507/85c89ad7-ab6b-458d-85cb-edea41c2c78a.png)
近日網上瘋傳一段「米線舖店主VS外賣仔」的影片，片長只有15秒，事發地點在新蒲崗的一間米線店。片中外賣員站在店外說：「唔好撳出餐呀！未整好唔好撳出餐！」被懷疑是店主的男子聞言即時扯火，怒氣衝衝走向外賣員說：「放低呀！」
延伸閱讀：港男獲派180呎海景公屋 因一原因獲贈靚裝修唔使大執 驚爆上手住戶超強背景！
兩人隨即在店外爭執，外賣員再說：「未整好唔好撳出餐！」男子爆粗說：「放低！你唔好X攞！」外賣員反擊：「咁係咪你嘅錯？做咩唔認，仲喺度嗌！」男子再次爆粗說：「你放X低唔好X攞。」次後隨手拿回外賣入店內。
影片曝光後議論紛紛，有人覺得外賣員抗議只因受平台規則所致，「餐廳未整好但撳出餐，壓縮了車手送貨時間，送貨超時還要扣錢，這是系統的問題。」同時認為外賣員態度過硬：「語氣好一點事情不會變成這樣。」亦有不少網友認為米線店做得不對，覺得「未整好餐就按出餐」是失誤行為，「對送外賣嗰個工作人員嚟講好唔公平......佢有可能會比平台扣分或者比客人俾bad Review。所以個老闆嘅做法係非常之XX......心地非常唔好 」
《東張西望》找來食店老闆接受訪問，他指外賣員進店取餐大約2分鐘，職員打包外賣亦要1至2分鐘，而且太多外賣的關係導致「塞車」，他亦認為有需要檢討，指等職員打包好外賣才按取餐鍵，避免日後發生同類事件。
