外賣員爆汗送餐獲婆婆塞貼士慰問  感動發文「一句問候已成動力」 網民：生活需要多啲關懷！

近日有外賣員分享暖心送餐經歷！外賣員指出，日前送外賣至石硤尾邨時，遇上一位婆婆前來應門，婆婆見其大汗淋漓，即堅持給予20元作為小費以示慰勞：「開門係一位婆婆。佢見到我流灑汗，收到外賣之後叫我等一陣，隨後捉住我隻手，夾硬要畀小費我」。

閱讀更多：車Cam片｜灣仔男童暖心協助失明人士過馬路 網民Like爆：父母教得好

事主隨即婉拒，解釋自己只是從附近前來，加上天氣悶熱才較容易出汗：「​我連忙講『唔使啦婆婆，我喺附近過嚟咋！只係今日比較悶熱，我又比較容易出汗』」，而婆婆仍微笑並堅持讓他收下款項：「​婆婆微笑咁話『唔緊要啦，我見你真係好辛苦，婆婆仲有能力畀到，你收咗佢啦』」。

事主補充指，過往在酷熱天氣或大雨期間派送訂單時，不少街坊見狀均會送上冷飲、小額小費，或親口道謝一句「辛苦晒」，事主亦坦言來自街坊的簡單問候，實為前線外賣員帶來莫大的暖意：「​雖然可能只係一句簡單嘅問候、一包飲品，但對我嚟講真係好暖心同好大動力，多謝你哋」。

帖文隨即引發網民熱議，不少人表示日常生活中應給予身邊人多一點關懷：「我都會咁，其實做人將心比已」、「人間有愛」、「將心比己好重要，人地開心自己都開心」、「日常多一啲關懷包容，大家都會感恩啲」、「人心肉做，當比小小鼓勵你們，辛苦晒」、「我哋生活需要多啲關懷」、「外賣員係辛苦嘅， 特別這天氣我都會給飲品， 謝謝你們的付出」。