外賣員單車驚現「輔助轆」送餐 配巨型卡通外賣袋勁搶fo 網民力撐勵志：為咗搵食頂硬上！

有網民於Facebook群組上載相片，可見一名外賣員在街頭準備送餐，但他用作代步的單車卻非常搞笑！單車後方除有一個印有卡通人物Kuromi的巨型外賣保暖袋，其單車後輪的兩側竟還加裝了兩個輔助轆，畫面極具喜感！連樓主都話道：「為左搵食，都要頂硬上」。

閱讀更多：沙田2男踩風火輪/電動滑板車 馬路玩命狂飆！網民鬧危險：咪出嚟害人啦

帖文隨即惹來熱議：「Respect 佢，唔識踏單車無罪」、「唔係偷，唔係搶，唔係犯法！大家各有各搵食方法」、「輔助轆咪輔助轆，完全尊重」、「四碌車仲難踩個兩碌」、「冇問題啊，自食其力」、「型就係型咗啲！但係自己努力搵食」、「我覺得好可愛」、「落地無咁易反」、「停車時唔洗下下kick 起腳架，方便」。