:quality(80)/public/tvbcom/article/images/202508/6977fb87-9d40-4622-a3d7-dfea35b63858.png)
有人疑不滿等位太耐，爆粗問候店員！有網友在社交網發文，指在新蒲崗的某間壽司店，有夫婦疑因等位太久，對店員大為不滿，「淨係肯放兩人枱，搞到佢一家三口等咗一個鐘都冇得食」。樓主指這對夫婦不斷爆粗罵店員，期間有人「一路篤職員個額頭，一路Ｘ佢老X......」
延伸閱讀：將軍澳大媽冇企正巴士站截車 上車後發惡疑向車長丟飲品 大媽因一事敗走結局慘淡 全車鼓掌讚好！
由樓主上載的影片所見，該丈夫聽到報飛號後十分不滿，不斷向妻子說：「咁使乜排隊呀！」「500幾啦，Ｘ你老母，你唔Ｘ滾呀！」其妻則以冷笑回應，惟片段未見樓主所指的篤人額頭動作。樓主續指該對夫婦發現被拍攝時，「兩位仲報警迫人del片，拍返人哋片轉頭兇X人。」又揶揄他們一家三口：「咁想食唔識提早訂位？你個仔有你呢對父母真係前途無量」。
網友紛紛指摘這對夫婦離譜，「呢兩條友恰個叫number嘅𡃁仔，第1次食壽司郎咩，得返bar枱緊係叫1至2人入㗎啦，咁唔等得唔好食吖嘛」、「喺度阿吱阿咗，阻住晒啲入客進度」、「個員工好慘呀」。
