城巴觀塘疑「飛站」！突閂門即開車累乘客險跌落樓梯 十多人鼓譟圍插車長

有網民發文控訴，指昨晚（20日）約9時許乘坐城巴疑遭遇司機「飛站」，司機更無視大批乘客要求下車！據樓主描述，當時車上約有十多名乘客正從上層落下層，準備在裕民坊下車，但司機突然關門開車，此舉更令事主險些從樓梯跌下，非常危險！樓主隨即與其他乘客一同鼓譟，質問司機為何不開門，惟對方全程未有理會乘客投訴，最終直接將巴士駛至牛頭角站！

​閱讀更多：婆婆拖「國王的新篋」鬧市穿梭 藏「生化武器」引人注目 網民：真環保人士 ！

片段中可聽到多名乘客激動大鬧司機：「我實投訴你」、「呢度十幾個人未落車喎司機」、「你睇下後面幾多人未落車啊」、「乜野叫埋站你都未識」、「司機真係唔識揸車，我要影低你，師傅幾多號車牌？」惟涉事司機全程表現冷淡，甚至疑似反駁叫乘客去投訴。

城巴回應tvb.com查詢時表示，現正調查一宗顧客投訴個案，涉及一輛619號線巴士於昨日（20日）晚上約9時在觀塘裕民坊巴士站停站上落客期間，有部分乘客反映未能成功下車。 公司強調會從車長的駕駛及待客態度等方面嚴肅跟進事件，並就今次令乘客行程受阻致歉，同時重申按現行規定，全港所有專營巴士車長均為本地居民。

事件惹來網民熱烈討論，不少人留言炮轟涉事司機行為過份：「一個人落唔到車可能係佢個人問題，10幾個人都落唔到車，除非冇撳鐘，如果唔係一定係司機問題」、「點解巴士公司會請啲咁嘅人」、「大家留意翻巴士鐘係無著」、「前面話個司機冇端端閂門，後面話個司機冇開門」、「成班人冇撳鐘爛渣，紅色燈都唔亮」、「無人繼續落車司機關門好正常！」