土瓜灣停車場壞𨋢困車逾3周 苦主怒轟「霸王條款」租金照收 舊租客爆料：曾壞足兩個月！

近日有車主發文吐苦，指土瓜灣某屋苑停車場內汽車升降機自6月10日起發生故障，導致場內多部車輛被困近三星期無法駛離，車輛被迫滯留期間竟被繼續計算泊車費：「已經困左三個幾星期，啱啱去現場問過又話壞𨋢摩打，相信短期內都整唔返好」、「錢照收呀，霸王條款，寫明𨋢壞唔包，只能車主自己硬食」。

閱讀更多：男子駕駛疑似電動單車 直闖紅磡行車天橋狂飆 網民：佢架車快過你！

事主表示曾致電管理公司了解，惟電話卻一直無法接通：「車場方面完全打唔通電話，無人跟進」。隨後事主在留言更新事情發展狀態：「Update 返大家，由10/6凌晨開始壞，依家最新消息話13/7先有望整番好，希望今次是堅料」。

有傳媒曾就事件到現場了解，發現升降機旁貼有免責公告，列明管理公司毋須為升降機故障引致的任何損失負責；傳媒亦曾致電停車場管理處查詢，職員確認升降機因「燒摩打」已停運20多日，並指工程人員昨日起會將摩打帶回工場修理，同樣未能提供重開的具體日期。有關受影響車主的賠償，職員則避而不答。

事件隨即在網上引起迴響，大批網民留言一眾苦主慘況：「所以我唔泊有𨋢車埸」、「超慘喎」、「前所未聞」、「電車就麻煩，有返𨋢都無哂電」、「都幾離譜，10/6壞左到而家都未攪掂」。

亦有曾經租用涉事停車場的前苦主現身爆料，直指該處的汽車升降機經常故障：「十年前我都係泊呢個車場，佢嗰時壞咗2個月，嗰2個月變咗日日搭巴士。我記得壞𨋢嗰2個月無收租，佢一整返好，我攞返車就無再泊了，好似我攞返車之後佢再壞，仲壞咗一段好長時間」、「以前泊呢個場,，部𨋢已經成日壞,，最長嗰次好似成個月,，仲搞笑嘅佢哋都要你繼續交租,，我記得一蚊免租期都冇畀我」、「之前泊過一次，上落嘅時候會彈吓彈吓，試過之後就冇再去」。