啟德「擲彩虹」爆砸界羅生門！月花數千元客控訴店方態度 網民分析呢個原因致視覺差

事主坦言最介意不是有沒有獎品，「如果規則係以俯視角度作準，同一粒幣，我哋喺枱外由上向下睇見四邊冇掂線仲有紅色位；店方則從其檢視角度判定右邊『擲界』，客人又不准共同核實，最後只能強迫我方接受店方的結論。」後來事主再上載店方VAR的照片，確實見銀仔有砸界的情況，與事主角度拍下的圖片大相逕庭。

事主指事發一個星期，心情大受困擾，「由憤怒、失望、沮喪，到依家已經慢慢變得無感」，又指公司的清潔姐姐亦感到他不開心，大嘆：「老實講，玩遊戲係求開心，我自問都唔係洗得少嘅玩家，一個月幾千蚊少不了。」

貼文引起熱議，網民意見大致分成兩派，有人同情事主的遭遇，亦有人質疑店方的做法有問題，更揶揄：「唔講以為獎品係天璽‧天」。另外，有網民物理學家上身，分析不同角度會有不的結果，又指厚膠板的折射亦會有影響，並拍下影片作出證明。