:quality(80)/public/tvbcom/article/images/202508/be5e8582-254d-4cca-82bb-a92824ba2426.png)
有港媽在「啟德居民自由講」FB專頁發文，指叫工人去街市買魚頭，留言：「原來呢間野的魚頭是沒有魚雲的，很可能是科技與狠活魚！大家小心！」貼文引起網友熱議，有人表示：「點會冇魚雲，魚雲係魚個腦喎。」、「一定有，所有魚都有。」
有精明的網友一語道出真相：「樓主你呢啲係鯇魚魚頭，唔係大魚魚頭，梗係冇魚雲啦」，有人笑言「事主自己都唔識何況個工人」，有網友解釋：「大魚既魚頭先叫做魚頭，鯇魚果個魚頭係叫做魚咀。」又指大魚和鯇魚的魚頭價錢有分別：「大魚頭有些大的，切開一半也要賣60元到70元不等，鯇魚頭就平好多，一般都係一份一份賣的！」
