:quality(80)/public/tvbcom/article/images/202507/c4d501f5-4d21-4132-bd02-b73140930e16.png)
近日網上流傳一段貼文，有港女發文指「千祈唔好娶工人姐姐做老婆，唔係就會好似我屋企咁家嘈屋閉」，文中指哥哥與外傭姐姐奉子成婚，力數兩人啃老不作為！樓主指哥哥數年前在交友App認識了一位來港工作的印傭，兩人後來奉子成婚，現在兒子已經2歲多，她直指：「屋企不和諧都係因為呢個大嫂引起。」樓主形容大嫂「生咗個仔就大晒咁」：「已經唔使佢返工，連家務佢都冇做，佢淨係負責睇住佢個仔，平時都係就咁坐喺度睇住個仔玩就得。」樓主指媽媽照顧大嫂的一日三餐，家務亦全都攬晒上身，惟大嫂仍責怪大家不幫忙照顧孩子。
最過份是大嫂竟然向樓主的哥哥打小報告，樓主說：「佢都 short short 地，就係因為娶佢返嚟，搞到我要被迫搬出去住，我搬咗出去住都照樣每個月畀一萬蚊家用，我阿哥連家用都冇畀，請問我要討好佢做乜嘢？有錢分？」樓主同時投訴阿哥「冇心肝」，「佢自從娶咗老婆之後咩都幫晒個老婆㗎，完全唔理阿媽㗎，阿媽同我哋煮咗咁多年飯，佢多謝都唔講句，仲要彈阿媽煮啲餸唔好食。佢放假呢就會帶埋個老婆同個仔出去玩，但係從來就唔會帶阿媽出去玩。」近日樓主再與哥哥吵架，並上載兩人的對話，樓主在內容中明言兄嫂兩人從不幫手洗碗，又指他們一家三口的生活費都是由樓主的家用中支出，惟哥哥賴皮說：「要講你哋自己同佢講啦，咪搵我做中間人。」樓主再怒轟阿嫂「為咗香港身份證，特登搞大自己個肚」，又指哥哥「做咗水魚都唔知」和「不孝子」。
貼文曝光後，網友直指樓主的兄嫂不作為，樓主的哥哥更是問題所在，「你阿哥搞大人個肚，照顧佢老婆係你阿哥嘅責任」、「一家三口黐飲黐食黐住，仲想托兒？點解可以唔使畀家用？」亦有網友提議樓主接媽媽出來坐：「既然你畀得一皮嘢家用，直接租大間少少屋接你阿媽一齊住仲好，等你阿哥自己執。」
