北區公屋出現疑似假義工？黑超男上門突問「人生目標」極詭異 住戶嚇壞即報管理處 網民質疑：想踩線？

有網民在 Threads 發文分享，指本月4日中午突有兩名高大男子上門自稱「義工」，上址為北區某公屋單位。帖文透露，當時樓主老公開門後，見兩名陌生男子站於門前，其中一人手持小冊子，另一人則戴着黑超。豈料對方開口問：「有咩人生目標？來年有咩想進步？」令二人當場一頭霧水。樓主其後警覺追問身分，對方僅回「我哋普通義工嚟㗎，想關心下大家」，卻未有透露所屬組織。樓主形容對方舉動詭異：「無啦啦兩個大男人戴黑超上門家訪，又唔講清楚身份，點信得過？」樓主關門後更觀察到對方未有探訪其他住戶，懷疑行為可疑，於是發文提醒網民提防新型詐騙或「踩線」行動。

閱讀更多：貓頭鷹意外突入民宅 站在衣櫃呆萌樣超可愛 網民：收到霍格華茲入學通知？

翌日（5日）樓主在 Threads 再度留言補充情況，指事發當日已即時電郵通知管理處，對方亦於翌日回覆稱已轉交相關部門跟進。樓主形容事件後仍心有餘悸，笑言因對門沒有安裝魚眼鏡頭，現正研究購買門口監控設備，以防日後再遇類似可疑家訪。樓主進一步透露，當時兩名男子並無被影低，操流利廣東話，行為自然但相當詭異，無法確認身份來源，感嘆「原來踩線都可以咁明目張膽」，呼籲街坊提高警覺！

網民幾乎一面倒力撐樓主「報管理處兼裝Cam」，更有人直指兩名男子「擺明踩線」。亦有網民分享親身經歷：「年近歲晚，平日下晝得工人姐姐同小朋友喺屋企，條友話整鐵閘，好彩姐姐醒目無開門，之後我哋睇返Cam Cap（截圖）低條友仔個樣報管理處」、「我工人上星期見個唔識嘅人撳鐘唔開門，轉頭就伸手試開度閘，佢聽到聲就打俾我問點算，我打去管理處叫保安上去睇，條友見有人出電梯即刻縮手，再撳鐘，我叫工人開門，同保安講唔識佢，之後我返嚟保安經理話條友係跟人尾喺停車場入大廈，年尾而家好多呢啲人！」另有眼利網民懷疑對方佩戴的黑超實為具攝錄功能的「間諜眼鏡」；亦有人猜測對方或是推銷「人生教練」或 NLP 課程的銷售員。部分街坊更分享應對貼士，建議「有人撳門一邊拖住、一邊叫保安上嚟捉人！」