公屋｜一家大細抽公屋「二派」單位愈派愈舊！樓主心灰獲網民教終極一招應對！

公屋｜抽公屋，料知單位愈抽就愈舊！有網民分享，指其曾先後再次抽公屋，樓主先獲派長青邨青槐樓（樓齡約48年），惟樓齡太舊故再入紙「二抽」，再接獲麗瑤邨樂瑤樓（樓齡約49年）編配，單位樓齡「再老一年」！樓主文中大呻「第一派長青邨青槐樓47年樓齡，昨天收到第二派麗瑤邨樂瑤樓48年樓齡，不知道第三派會點⋯」樓主亦有留言補充，都其家庭同住人數為四人，當中包括正就讀幼稚園及小學的兩名子女。

閱讀更多：九巴封塵玻璃驚現呢隻手繪大熱卡通角色 網民冧爆：求下司機唔好洗車！

網民一招教樓主應對！

網民熱烈過招教樓主應對，有人見翔東邨新公屋正在開派，指既然前兩次編配均未如理想，不如等待三派有機會獲派全新屋邨：「（第三派）分分鐘中翔東」、「博三派，與其第二派唔滿意，攞咗都會不斷諗第三派會唔會更好，倒不如等三派聽天由命！」亦有網民理性分析，認為即使長青邨樓齡較舊，配套齊全交通方便，而且不少單位經過翻新，裝修投入雖需成本，但設計未必遜於新落成公屋：「如果係我，一派長青就要，附近配套完善」、「翻新過唔計外表，有好多個單位都裝修到唔似公屋！」