:quality(80)/public/tvbcom/article/images/202609/6dae116f-e859-451e-bb9a-08f63ecdb3b7.png)
有港人近日於公屋討論區發文求助，指自己透過「特快公屋編配計劃」揀樓，獲得兩個單位選擇，分別為青衣長康邨康美樓（31.45 平方米，約338呎）及東涌雋東邨（21.88 平方米，約235呎），事主發文留言詢問：「你會揀邊間？想聽下大家意見。」有網民好奇為何能同時獲得兩個單位選擇，事主隨即解釋指自己是透過特快公屋編配計劃揀樓，並笑言「特快可以有機會揀大啲嘅」。
帖文曝光後引發大批網民熱議。雖然青衣長康邨單位比東涌單位大近 100 呎，但由於屬於特快公屋計劃，有網民特別提醒事主留意單位是否屬於凶宅或曾發生事故，表示：「如果青衣係乾淨屋，當然揀青衣啦！但如果會住得唔安樂嘅，大100尺又如何！寧願要東涌新樓！」
不過，不少網民指出若能突破心理關口，青衣的大單位絕對是優選，留言指「大成間房，梗係青衣」、「係大一個廳同飯廳同房仲有多」。有心水清網民補充，康美樓屬於實用性極高的 Y 型設計，「可以間三間房，仲有個大廳」。此外，青衣長康邨地理位置優越且生活配套齊全，生活十分便利。
至於東涌雋東邨，不少網民大嘆其位置較為偏遠，每日通勤時間與金錢消耗相當嚴重，直言：「只要你諗下日日唔使行條高速又出又入，淨係條高速都22公里」、「東涌交通費就貴到飛起」。惟亦有網民為東涌護航，認為可以從「大灣區生活圈」的角度切入，表示：「東涌去澳門珠海方便好多，珠海消費平買餸仲平」、「揸車返珠海近，慳返油電去買日用品化算一點」。
