公屋戶3年$0水費 網民熱議：極慳水用法原來可行？ 水務署拆解「免水費」原因

近日有公屋住戶在網上分享其水費單，顯示該期帳單的應繳總額為 $0。單據資料亦指出，戶主上一次繳交 $65 水費已是 2023 年 7 月 25 日，與最新的繳款限期相隔足足三年。面對長期「零水費」的情況，事主不禁在帖文中發問：「3年無交過水費正常嗎？」

閱讀更多：港男入伙啟德海景居屋 開箱無敵維港景觀力壓私樓 等足2年仍直呼「咩都抵晒」

帖文一出隨即引起熱議，不少網民好奇戶主如何做到連續三年「零水費」：「點樣可以少到唔洗交水費，請教下我，我水費比屋企人攪到好貴」、「慳水大法點樣做到」、「肯定極慳水」、「如果1-2人住，又好少煮飯，唔使交水費係正常嘅」、「幾年無開過水喉？」、「我試過有一年冇交過水費，跟住打去水務署搵人檢查，係我個錶壞左，之後換錶」、「如果1個人住又慳唔出奇，朋友家的長老好慳，真係唔駛交水費」、「我奶奶一個人住，好耐無交水費，就算用佢都不會開大水喉」。

根據水務署的住宅收費機制，每戶每4個月結算期內的首12立方米用水量均獲豁免收費；若住戶日常用水習慣極度節約或用水需求甚低，只要用量長期維持在首級免費限額之內，便會出現「零水費」的合理情況。