公屋戶呻鄰居二手煙湧入屋 開抽氣扇都無用？網民教添兩物解決煙味

近日有公屋戶在社交平台大吐苦水，直指「想問下大家有無遇過有鄰居食煙，然後啲煙味就飄左入自己屋」，樓主無奈求助問網民「點解決」，事源「（煙味）喺廁所抽氣扇湧出黎」。帖文一出瞬間引起熱議，有街坊表示感共鳴：「我都想知，經常係廚房煮早餐就會聞到，每次都係關窗」、「日日都係，夜晚7點幾開始聞到」。

閱讀更多：港鐵男公然除鞋捽腳 目擊者：座位上好多腳皮 全網怒轟嘔心 此舉隨時被罰$2,000

惟有網民卻持相反意見，認為住戶擁有家中食煙的權利：「人哋喺屋企食煙都唔得呀」、「你搬屋就解決到」；事主則在貼文更新回應道：「我呢篇文無一隻字話唔俾大家喺屋企食，大家唔使咁激動」、「你住咗喺間屋咁多年，咁多日子，有問題出現唔係搵最簡單既解決方法先，束手無策先會搬屋咩？」、「一有問題就搬屋，搬曬十八區移埋民都搞唔掂啦」、「就算私樓唐樓咩樓都會有問題，就係咁先問下大家有咩方法，完全無話唔俾食」。

至於事主亦有交代處理煙味方法：「自己都黐晒門口封曬吹唔到入黎，而家就變咗廁所成日有」、「我想分享我買咗隻驅蟲擴香瓶，真係放喺廚房，搞到個廳都成浸味。我諗住今日試吓擺廁所，睇吓會唔會佢浸味仲勁過啲煙味」。

網民建議添兩物解決煙味

面對事主的苦況，有網民好奇反問：「開廁所抽氣扇都抽唔返出去？」事主表示即使開了抽氣扇亦無補於事。有熟悉通風原理的網民解釋：「屋内變成負壓，更加將煙味扯入屋內」。要擊退頑固二手煙，網民提出添置兩大除臭法寶：「有煙味的時候開動鮮風扇，將室內變成正壓」、「買咗部空氣淨化機，每次聞到煙味就開機，好好多，無咁臭」。

翻查資料，公屋住戶在單位內吸煙暫時未受房屋署條文直接規管，現行措施只涵蓋公共屋邨的公共地方，若住客在禁煙區違規吸煙，可被扣5分及罰款3,000港元。至於二手煙問題，吸煙與健康委員會主席湯修齊去年曾向房屋署提出建議，倡議先在公共屋邨設立無煙樓層，讓住戶免受二手煙滋擾，其後再研究逐步擴展至整個屋邨。