公屋住戶凌晨2點遭房署家訪 8號風球照拍門疑白撞？網民教3招辨別真假職員

有公屋住戶發文，指有晚約7時突然有房署職員拍門，開門後對方僅簡單察看單位內部，並核對住戶身份證，短短2至3分鐘便火速完成整個程序。樓主言道：「琴晚7點房署有職員嚟家訪，我開門之後，職員望下室內，核對身份證，全程2-3分鐘完成」。為確認承租人是否經常居於單位內，房署確實會安排職員於非辦公時間進行突擊巡查，惟巡查時間難以捉摸，這種「神出鬼沒」的家訪安排，隨即在網上引起大批討論。

閱讀更多：港媽申請房協公屋遇選擇困難 網民嚴選6大「神盤」力推呢條邨 交通方便＋校網靚

有網民指房署的突擊巡查毫無規律，由早上7時至深夜都有：「上一次夜晚10點幾嚟」、「琴晚凌晨十二點幾門鈴響咗兩次」、「上次我凌晨兩點嚟家訪」、「之前試過夜晚九點幾未夠十點，突然間有人叩門，打開門話房署家訪，忍唔住叫職員唔好咁大聲，因為個仔岩岩訓左」、「我舊年8號風球，夜晚來」；不過也有人表示理解：「日頭你返咗工搵唔到你咪夜晚家訪」、「正常呢啲時間先係最準，唔通下晝」、「七點鐘都未放工啦，會唔會十一二點好啲呀，9成9返齊」！

由於這類突擊家訪不會事先預約，令不少網民擔憂一旦遇到不法之徒冒充，隨時有安全風險，但有經驗豐富的網民教路，指出辨別真職員有三大關鍵特徵：首先，房署職員進行家訪時，通常都會有該屋邨的大廈保安員陪同上樓；其次，根據房署指引，職員必定會主動向住戶出示附有相片及資料的職員證件以供核實；最後，職員會清楚交代其來訪目的及身分，如住戶有任何懷疑，亦應拒絕隨便開門，並可即時致電所屬屋邨辦事處查證以策安全。