元朗驚現超強馴獸師！引導貓完成高難度動作 網民睇到呆：好勁呀

元朗又有一個「貓奴打卡點」！有網民上載短片，攝於元朗某街頭角落，有位女士化身「馴獸師」，拿着逗貓棒不停上下揮動，訓練街貓示範才藝；畫面可見，街貓相當配合「馴獸師」，不停跟隨逗貓棒移動，甚至當眾示範高難度「後空翻」，貓身躍上半空，身手相當敏捷！樓主不禁在貼文寫道「元朗好多貓貓大家都知，但原來呢度都有好多專業嘅馴獸師，真係想講句厲害！」

閱讀更多：元朗甜品店「繽紛樂雞蛋仔」實物超出想像！咁樣做法被指騎呢得來又伏 網民呻：又無貨不對辦嘅！

不少網民亦大讚貓貓身手敏捷，更指貓貓能夠後空翻，令人拍案叫絕：「原來貓真係識打關斗」、「我都有訓練過，最後我自己被訓練到成身汗」、「呢隻貓好勁」、「動作好高難度，唔係隻隻貓仔都識」、「好犀利呀」、「傳說中嘅來我家看貓咪打後空翻，原來係真嘅」、「咁厲害」、「非常有節奏嘅專業馴獸師」、「養呢隻貓個呀伯唔鍾意人玩佢隻貓，頭先見到有人同呢隻貓玩，個呀伯即刻鬧！」

​