元朗粉麵店外賣驚現一大條蟲！曾因一理由拒絕退款 最終平台僅退$15 網民：食環幫到你

有網民分享，指其早前透過外賣平台幫襯元朗某間粉麵店，料知外賣送到，樓主食到一半方發現裏頭藏着一大條蟲，樓主隨即聯絡外賣平台客服，惟商戶初時仍以「已經出餐」為理由，一度拒絕退款。之後經過樓主一輪磋商，最終獲退回$15，樓主稱：「本身係揾客服，客服話商家要睇相，叫我揀申請退款附上照片，最後係退 $15 碟菜既錢，唯有ok左先！」

閱讀更多：壽喜燒驚魂！食客打邊爐期間突拔走Gas 目擊者爆驚險一刻：個爐噴火

貼文惹來網民激烈討論，不少人認為餐廳處理手法不當，更建議樓主下次不應幫襯，亦有網民分享，先前叫外賣的奇葩經驗：「你要惡啲搵客服，成個餐一定退款」、「我個餐有杯檸檬茶，倒瀉哂，成個袋濕晒，仲漏埋落地下，直接搵客服嘈，成功成個餐退款」、「一次叫咗個海鮮烏冬，成個烏冬冇乜海鮮，得幾粒蜆，我直接好嬲好惡咁搵客服，影咗條片俾佢睇，好快脆10分鐘搞掂直接全單退款」、「唔出餐又點會有蟲」、「食環幫到你」、「正一黑店咪幫襯！」