元朗男子疑戲院盜錄《鬼滅之刃》 職員發現後竟這樣了事 網友鬧爆：成個電影業畀你搞彎晒！

樓主指看電影時聽到疑是Call機聲，怎料發現有人疑在偷錄，「好嬲，全套戲我不停聽到，好似call機聲，正諗住完場鬧佢一鑊，現條XX竟然喺到偷錄！」樓主嬲爆指的「成個電影業畀你搞彎晒」，「最嬲係有人檢舉咗佢，職員淨係叫佢del片，事後其實佢啲片喺晒佢手機。」樓主續指心情被該男子完全破壞：「猗窩座嗰幕明明好感人，就係佢突然喺到「登登」聲！成個氣氛彎晒！我好嬲。」

由樓主上載的影片所見，該男子頭戴Cap帽，拿着迷你運動相機對着螢幕拍攝，其身邊雖有其他觀眾，但未有為意他行為。貼文引起網友關注，有人指機器發出似是Call機的聲音，是因為該男子「唔熄前mon，唔較靜音」，形容「擺明就唔care畀其他人知」。亦有不少人鬧爆行為離譜，部分網友指近日同樣遇到盜錄行為，「嗰日我都見到個係柴灣偷拍，掟咗5-6次爆谷，郁都唔郁繼續偷拍」、「尋日10:00場又係有條X頭，一開場就狂影+狂錄。」

任何人士嚴禁在戲院內拍攝及錄影，否則會被刑事檢控，最高可被罰款5萬元及監禁3個月。