停車場電動車出「奇招」叉電！駁柱邊13A插蘇慢充惹爭議 網民質疑：算唔算偷電？

有網民早前重發停車場奇景，可見停泊在車場內的電動車，竟出「奇招」以拖板接駁柱位插蘇（13A插蘇）充電，電線蜿蜒散落在車尾及地面一帶！樓主不禁好奇問「唔知差滿要幾耐呢？」​惟翻查記錄，有關照片已屬2023年拍攝。

閱讀更多：港鐵乘客蹲車廂門口惹熱議 網民嗌危險：失平衡隨時跌落月台罅！

帖文惹來網民熱議，不少人留言競猜車主充飽電要多久：「慢叉，無問題架！對電池重耐用」、「佢唔覺得核突個下好野」、「其實無所謂，叉到幾多咪幾多囉，橫掂都係泊喺度」、「咁樣算唔算偷電」、「經開就抆走插頭」、「充滿要40幾個鐘，1個鐘10公里，充1兩個鐘救下急都ok嘅」、「我公司都13A頭，8小時上班，大約沖到25-30%」、「用2 kW黎計叉滿一部車（假設從 0% 到 100%），大約要 37.5 到 39 小時！」