何太2.0事件後續！K女士堅稱冇拎走龍鳳鈪 陳伯人財兩失大嘆：我畀咗錢又冇生活，點放低？

蔡女士不平則鳴，卻反遭被人指責，蔡女士更被老公抱怨，蔡女士說：「我做呢行都做咗成30幾年，第一次畀人咁樣誣捏，我嘅醫德、我嘅人品，我唔會去做啲咁污糟邋遢嘅嘢，亦唔會畀你樣去誣捏我！絕對冇啲呢回事！」為證清白，蔡女士任由攝製隊抽選客人作證。

至於K女士，她繼續呼冤。陳伯先給K女士13萬元現金，然後以支票轉帳23萬元，龍鳳鈪約值10萬元，合共約46萬元，現在要求K女士歸還10萬元，對此 K女士說：：「點樣還10萬畀佢算數啊？佢畀啲生活費我，全部佢娶兒媳同嫁女，佢買嘢啲錢都係我呢度出！嗰啲錢全部都使咗啦！」

提到陳伯給她的龍鳳鈪，K女士說：：「佢有畀到我咩？我從來冇叫佢買，你叫我向天發毒誓、死全家、出去畀車撞，我都可以講！唔係我叫佢買㗎！如果我叫佢買嘅，我呃佢嘅，我梗係攞啦，如果佢要求結婚，我梗係攞啦，喺佢自己手上，我唔知喺邊度同埋畀咗邊個女人！」

對於K女士指沒有拿過龍鳳鈪，陳伯指K女士離開後曾打開夾萬，見首飾及金器全數被拿走，陳伯隨即報警，他說：「唔通我報假案咩？」人財兩失的陳伯大嘆：「我畀咗錢又冇生活，點放低呢？」