:quality(80)/public/tvbcom/article/images/202607/bee75fda-1e40-4982-8de2-a1fcd5818e15.png)
網上流傳兩張引起網民熱烈討論，相中的事發地點位於佐敦一間酒店門外，從畫面上看，一名女子拖着行李箱站在路邊，低着頭專心地按着手機，看起來疑似正在「Call 車」。原本這只是一幅再普通不過的街頭日常畫面，然而，當大家「細心一看」，原來該名女子臉上竟然戴着一塊白色的面膜，讓她整個人看起來顯得相當詭異，有網民笑言她與電影《月光光心慌慌》面具殺人魔十分相似。
上載圖片的網民顯然被這個畫面嚇得不輕，崩潰留言：「可唔可以唔好咁呀大佬...一望到佢嚇到我手都震 X 埋。」貼文隨即引來大批網民熱議，特別是經常開夜車的司機們更是感同身受，直言如果開車途中遇到這種情況，真的會被嚇一大跳：「夜晚見到仲大鑊！」、「七月出街小心 D。」
不過，在眾多留言中，最引人注目的莫過於有網民大方分享了自己朋友更爆笑、更驚悚的「撞鬼誤會」：「佢算好啦！我朋友話夜晚去商場廁所，洗洗下手無啦啦彈左個白面、全套粵劇裝扮既女人出嚟，佢即刻嚇到喊！然後個粵劇人叫佢唔洗驚、唔好喊，話佢只係剛剛喺商場表演完……」
