佐敦大牌檔男人的浪漫 擔遮歎啤無懼風雨 網民笑：唔止一枱客咁做

香港近日大雨連連，有網民就捕到了一幕雨中奇景！樓主釋出圖片可見，即使面對傾盆大雨，佐敦冬菇亭（大牌檔）的帳篷下幾位男士依然撐著傘，神態自若地繼續食飯歎啤酒，連樓主亦在貼文寫道「香港麻甩佬的浪漫，究竟乜嘢（原因），咁大雨擔住把遮喺佐敦冬菇亭食飯飲啤酒」。

閱讀更多：渠務署吉祥物「下水水」爆紅 日系偶像風造型成功吸粉 網民讚：香港需要呢種創意！

帖文隨即惹來網民迴響，甚至有網民戲言這便是「男人的浪漫」：「可能真係好唔想返屋企」、「男人的浪漫，佢地仲差碗豆腐火腩飯」、「因為自己食 $48 ，同老婆食 $480」、「或者得呢一刻，佢先至唔屬於公司，唔屬於老婆，唔屬於仔女，只係屬於佢自己」、「其實幾chill，男人的浪漫，落幾大雨都要食飯」、「阿叔擔住遮都要自己飲」、「比左錢，食埋飲埋先走」、「又有情調又夠浪漫，飲一杯可以想起靜靜」、「好正呀！男人嘅Me time」。