人間有愛！的士大哥交還遺失電話拒收酬勞 做一窩心事獲全網Like爆

的士大哥路不拾遺，人間有愛！有女網友在Threads發文，指家人搭巴士去機場時不遺失電話，「佢勁驚，以為係俾人偷咗，怕會俾人用咗Apple Pay同啲資料，咁就叫朋友打俾我，叫我即刻幫佢停咗部手機。」
樓主立即用Find My iPhone功能，幫家人的電話開啟遺失模式，並在遺失的手機屏幕留下聯絡電話，她說：「我set咗個半鐘之後，真係有個人打電話畀我，問我係咪唔見咗手機，即刻安心晒。」原來有的士大哥執到電話，他知道樓主在荃灣工作後，指完成手上工後便會去荃灣找樓主還電話，樓主說：「咁我都知呢啲執到電話拎返，點都要俾返啲錢人，（因為）阻住人哋時間。」