九龍灣商場電車駁13A插蘇 網民質疑「偷電」：有錢裝包圍冇錢叉電？

相片顯示，事發地點位於九龍灣某商場的停車場7樓，一輛貼上啞灰色車身膜、加裝尾翼及大包圍的 Tesla 私家車停泊於車位內，車主疑私自使用商場牆身的 13A 插蘇充電，上載照片的網民留言指出：「咁明目張膽用商場啲電叉電 (已同商場職員講，佢地影左相話跟進)」。

貼文曝光後隨即引爆網絡討論，大批網民紛紛指責涉事車主的行為極無公德心，甚至質疑其行為已觸犯法律，留言表示：「可以報警。偷電算係盜竊。」亦有大量網民留言嘲諷：「有錢貼膜、加尾翼、裝大包圍，居然肉酸到要偷電差，連13A都唔放過，正宗鱷魚頭老襯底～」、「有錢裝包圍冇錢叉電」。

更有熟悉電動車規格的網民細緻計算，指出用 13A 充電效率極低：「13 A慢叉，一個鐘頭叉得嗰兩度電，呢個車超過70度，起碼差35個鐘」。