九巴變貨車？男子攜電腦櫈膠箱木櫃搭霸輪椅位 網友質疑車長：正常唔畀上車！

網友指當時乘搭261號九巴，留言：「剛剛，巴士內坐電腦櫈，及一個小型木櫃，仲有雜物膠箱，奇妙奇妙巴士可變貨車，車長唔通睇佢唔到，261入粉嶺」相中所見，有一男子將電腦櫈、膠箱和木櫃仔放在輪椅位，之後再坐電腦櫈上。

由於畫面太誇張，有網友質疑車長為何讓該男子上車架：「嗰個位置係輪椅位，唔係放家俬雜物！」、「車長無拒絕咩，正常唔畀上車」、「嬰兒車都要收好先畀上車，居然大人可以咁？」、「畀多200送貨啦。」亦有網友說：「呢個人大約5點喺粉嶺火車站想上273，但司機唔畀佢上」。

據九巴網頁顯示，嚴禁攜帶總體積超過十份一立方米、總重量超逾5公斤或含危險性或厭惡性之物件上車，而該物件不得佔用座位，及不得放置在巴士通道或樓梯上。