九巴大媽放車仔阻輪椅客登車 遭司機屢勸仍示意聽唔到 網民怒轟：正自私精！

近日網上流傳一段影片，攝於一輛開往上水方向的九巴276B路線巴士內。一名中年女乘客疑將個人手推車等雜物，放置於下層的輪椅停泊區後，便逕自往上層就座，導致一名需要使用輪椅的伯伯無法登車，無奈只能等候下一班次。期間，車長曾多次呼喚物主移走雜物，惟對方未有理會，更一度拒絕認領。

閱讀更多：九巴男全程挖鼻屎兼狂捽 網民憂影響車廂衛生 同行女伴一反應成焦點

從影片中可見，涉事女乘客正移走其個人物品並準備下車，車長隨即向她表達不滿：「啱啱你阻到人，我喺上面叫。企咗個輪椅，個伯伯上唔到車，要等下一班車。我講咗幾次，上面叫咗幾次。」女乘客則示意自己當時沒有聽見，車長隨即反駁：「咩無聽到，你咁樣阻住個輪椅位就唔啱啦，叫又唔落嚟。雜物嚟㗎！」隨後女乘客落車，影片亦告結束。