中環貨車誤闖窄路 威靈頓街路牌被撞倒意外變打卡點 網民：好彩無人傷亡！

中環威靈頓街驚現「全新打卡位」？有網民貼出影片，直擊一輛大型貨車懷疑誤闖窄路，畫面可見貨車尾端擺住巨型玻璃，更達後方大廈一樓的高度；貨車強行通過窄路時，更不慎撞向路邊，令附近「威靈頓街」路牌，慘被撞至嚴重傾斜變形，期間更有路人高呼，場面相當驚險！

閱讀更多：將軍澳驚現離奇「天降麻雀」 管業處發通告：交由警方處理 網民笑：有人十三么爭隻雀！

而被撞至傾斜變形的「威靈頓街」路牌，更成為全新的打卡位，不少路人事後皆前往影相。樓主亦在帖文形容「揸咁大部車入窄路，成就全新景點（好在係撞柱唔係撞人）！」

影片曝光後隨即引起網民討論， 有人認為片中路人欠缺安全意識「犀利在架車好明顯唔夠位行格硬過時，周圍路人仍繼續走自己條路」、「唔到地下爆開都唔識停」；亦有人認為片中畫面相當震撼：「咁樣就變成打卡熱點」、「呢次真係威過威靈頓街」、「撞到個水龍頭就大鑊」、「秒變打咭位，好彩無人傷亡」、「佢成為新景點你睇吓啲遊客幾開心！」