中環碼頭樓梯口變「垃圾山」？堆滿外賣盒膠樽紙袋勁誇張 網民鬧：有啲公德心啦！

香港鬧市竟驚現「垃圾山」！最近有網民上載相片，攝於香港中環8號碼頭附近，只見天橋樓梯口旁堆滿外賣盒、膠樽及紙袋等垃圾，更堆積成「垃圾山」般，畫面相當誇張！連樓主亦不禁在貼文嘆道「香港究竟幾時變到咁？」

閱讀更多：香港科學館展品換新春裝同市民拜年 網民大讚有創意：恐龍都要過年！

帖文惹來不少網民留言，更有人推測弄成「垃圾山」的原因：「其實cut咗好多垃圾桶位就變成咁」、「附近太少垃圾桶」、「周圍都係垃圾」、「亂丟垃圾唔係罰千五咩」、「又要收埋垃圾桶，呢個後果係必然」、「好恐怖」、「會唔會搞到好多老鼠」、「衛生搞成咁！」

香港現行法例規定，任何人在街道、公眾地方、海濱或海面等位置隨地丟垃圾、棄置廢物，均屬違法行為，可被票控定額罰款3,000元。