一家三口Call車疑走數 司機因一個心軟舉動釀未收款 網民怒轟：無錢就搭巴士啦

有司機在社交平台發文，指於3月19日晚上約10時接載一個家庭Call了車，由灣仔前往安達邨一帶落車，車上包括一名抱著嬰兒的乘客及同行人士，並攜帶多件物品。事主表示，到達目的地前已嚷道這家人「係app確定付款」，惟對方「好論盡俾唔到」，事主則見「一家人正正常常，因為有個B」，故未有即時核實收款，便讓其上樓才確認付費。

閱讀更多：中環馬路大批白鴿聚集唔驚車 七人車被逼慢駛 網民好奇：係咪有人灑米餵野鴿？

事主最終未能成功聯絡乘客，平台亦未能追收車資，涉款約193港元。事主其後上載車內截圖及行程紀錄，呼籲涉事乘客盡快補交費用：「你以為著數左，其實報應未到，如果你見到，請付款。使用服務俾錢天經地義，請自重。」

帖文惹來很大網絡迴響：「影衰哂真係，搭車唔比錢真係衰，報警啦」、「無錢就搭巴士啦」、「好心咪鬼用呢個app啦，勁奇怪到後先付」、「仲乜唔報警，而家依啲逃錢嘅，有樣有片，唔俾就報警」、「其實司機們可否爭氣d, 只要你地唔接就可以令呢種平台玩完」。