香港探秘地圖｜龔嘉欣重現《殺手》型格Look 爆炸頭魚網絲襪超搶Fo！犧牲靚樣貼鏡頭演出：我冇包袱

畢萍以爆炸頭兼穿上黑色魚網絲襪上陣，去到一間藥房拍片指一盒聲稱韓圍製造的粉底，後面竟然有越南文，更大大聲表示「分明係假貨」，之後，她更對老闆說：「我尋日就喺呢度買咗呢盒粉底，之後就皮膚敏感」最後更叫大家千祈不要幫襯。

畢萍此舉令藥房老闆不滿，更有職員將她拉到鏡頭面前，其整塊臉貼向鏡頭，出現超醜陋的畫面。

最搞笑畢萍見狀後對拍片華叔說：「你可唔可以對自己有啲要求，影到咁樣都收貨？」、「你影到我喪屍咁，條片出街我又點見人呢？」華叔則說：「你又話最緊要件貨，又冇失去焦點」、「你個樣係點，影出嚟咪點囉，你係畢萍，又唔係柯德莉夏萍」令人笑爆嘴。

一班觀眾也指嘉欣這個Look十分正，讚她非常可愛，有網民更指這個造型熟口熟面。

龔嘉欣接受tvb.com獨家訪問大爆原來這個造型是參照《殺手》Look，「其實都試咗好多個髮型，最初覺得連個頭都係粉紅色就太似《殺手》，所以最後就揀咗呢個爆炸頭，希望令個角色更加鮮明。」

談到她要犧牲靚相，將整塊臉貼向鏡頭一幕，嘉欣直言絕不覺犧牲，「我不嬲都冇包袱，記得當時拍嘅時候都有工作人員話咁樣拍我會好核突，但我覺得唔緊要，只要係劇情需要，同埋可以令個角色更加出到，大家睇得開心就得，唔會計較呢啲。」

另外，嘉欣亦在網上甫出花絮相，表示「Dark Angel 重現江湖！😎有任務！」